Amazonia gara - Porrotx eta Marimotots

Irri, dantza eta amets eginez iritsiko gara Amazoniara eta zuhaitzetatik EZ GARA JAITSIKO! aldarrikatuko dugu kantari elkarrekin.

Euskal Herriko Iratitik Ameriketako Amazoniara… Porrotxek eta Marimototsek, urtxintxen antzera, zuhaitzez zuhaitz egingo duten bidaia kontatu eta kantatuko digute. Zatoz sudurgorriekin… ez gara jaitsiko!

Munduko natura eta bioaniztasuna arriskuan daude gizakiok daramagun bizimoduaren ondorioz. Honen inguruan hausnarketarako deia egiten du saio honek. Balio eta kolore ederrenak jasoz ostadarra zabalduko dute sudurgorriek munduan, hau denona eta denontzat izan dadin salbuespenik gabe.